عوامی شکایات کے فوری ازالے کیلئے عملہ متحرک رہے،مرتضیٰ وہاب

کراچی(پاک نیوز24)میئر کراچی اورچیئرمین سندھ سالڈ ویسٹ مینجمنٹ بورڈ بیرسٹر مرتضی وہاب نے ایم ڈی سندھ سالڈ ویسٹ مینجمنٹ بورڈامتیاز علی شاہ کے ہمراہ مون سون بارش کے پانی کی بروقت نکاسی کے انتظامات کا جائزہ لینے کے لیے شہر کے مختلف علاقوں کا دورہ کیا، اس موقع پر متعلقہ افسران موجود تھے۔انہوں نے شہید ملت روڈ، شاہراہ فیصل، نرسری، ٹیپوسلطان روڈ، نیو ایم اے جناح روڈ،سولجربازار، مزار قائد روڈ، نمائش، ایم اے جناح روڈ کا تفصیلی دورہ کیا۔دورے کے دوران انہوں نے اس بات پر اطمینان کا اظہار کیا کہ علاقوں میں عملہ موجودہے اور پانی کی نکاسی اور کچرا اٹھانے کا کام جاری ہے۔ میئر کراچی نے ہدایت کی کہ جن مقامات پر ابھی پانی موجود ہے وہ جلد از جلد صاف کیے جائیں ۔علاوہ ازیں انہوں نے شہریوں کے ریلیف کے لئے لگائے گئے کیمپس کا بھی دورہ کیااور ریلیف کی فراہمی کے انتظامات کا معائنہ کیا۔انہوں نے ہدایت کی کہ محکمہ موسمیات کی جانب سے مزید بارشوں کی پیش گوئی کے مد نظر تمام عملے کو متحرک رکھا جائے اورعوام کی شکایات کے فوری ازالے کے لئے اقدامات کیےجائیں جبکہ گزشتہ رات تیز بارش کے بعد رات گئے تک افسران و عملہ سڑکوں پر موجود رہا اور پانی کی نکاسی کے اقدامات کیے گئے، متعدد سڑکیں رات میں ہی پانی کی نکاسی کے بعد کلیئر کردی گئیں جبکہ نکاسی کا کام دوسرے دن بھی جاری رہاجبکہ متوقع بارشوں کے پیش نظر ایمرجنسی نافذ رہے گی۔ علاقوں اور گھروں سے کچرا بھی بلاتعطل اٹھایا جارہا ہے۔ عوام سے درخواست کی گئی ہے کہ شکایات درج کرانے کے لئے ہیلپ لائن نمبر1128 اور واٹس ایپ نمبر 03181030851پر رابطہ کریں۔ یا ایس ایس ڈبلیوایم بی کی ایپ (SSWMB Complaints Karachi)ڈاؤن لوڈ کریں شکایتی مراکز مکمل طور پر فعال رہیں گے ۔