قومی ائر لائن، پی آئی اے نے 10 جنوری 2025 سے یورپ کے لئے فضائی آپریشن کا اعلان کر دیا ہے۔
ترجمان پی آئی اے کے مطابق پہلی پرواز اسلام آباد سے پیرس روانہ ہوگی۔ ابتدائی مرحلے میں پیرس کے لئے ہفتہ وار 2 پروازیں آپریٹ کی جائیں گی جن کو بتدریج بڑھایا جائے گا۔ یہ پروازیں جمعہ اور اتوار کے دن آپریٹ کی جائیں گی۔ پی آئی اے نے پروازوں کا شیڈول مسافروں کی سہولت کی حساب سے انتہائی پرکشش رکھا ہے اسلام آباد سے پرواز پاکستانی وقت کے مطابق صبح 30۔11 بجے روانہ ہوگی اور فرانس کے مقامی وقت سہہ پہر 4 بجے پیرس پہنچے گی،پیرس سے پرواز شام 6 بجے روانہ ہوگی اور پاکستانی وقت کے مطابق صبح 5 بجے اسلام آباد پہنچے گی۔ اس شیڈول کی سہولت ایسی ہے کہ مسافر ناشتہ پاکستان میں اور دوپہر کا کھانا پیرس میں کھائیں گے۔ ترجمان نے بتایا کہ ان پروازوں پر بکنگ کا آغاز کر دیا گیا۔ یورپ کے مسافروں کی جانب سے براہ راست پروازوں کے اجراء کو خوش آئند قرار دیا جا رہا ہے۔
