ماہرہ خان کو بولڈ لباس زیب تن کرکے تصاویر اپ لوٹ کرنا مہنگا پڑگیا

کراچی(پاک نیوز24)پاکستانی سپر اسٹار ماہرہ خان ان دنوں اٹلی میں سیرو تفریح میں مشغول ہیں ، لیکن ان کو یہ ٹرپ کافی مہنگا پڑ گیا کیونکہ اداکارہ مغربی طرز کے کپڑے پہن کر تصاویر سوشل میڈیا کی زینت بنانے پر شدید تنقید کی زد میں ہیں۔اٹلی کے دلکش مناظر سے لطف اندوز ہوتے ہوئے اداکارہ ماہرہ خان نے انسٹاگرام پر ایک پوسٹ جاری کی۔ماہرہ خان کی تصاویر میں اٹلی کے حسین سیاحتی مقام ، ڈوبتے سورج اوردلفریب مناظر کو دیکھا جاسکتا ہے۔اداکارہ نے اس پوسٹ میں اپنی تصاویر بھی شامل کیں لیکن اداکارہ کی تمام تصاویر میں پہنے گئے ملبوسات مداحوں نے پسند نہیں کیے بلکہ انہیں تنقید کا نشانہ بنایا۔ماہرہ خان ان تصاویر میں تین مختلف مغربی طرز کے لباس پہنی نظر آئیں جن میں وہ کافی بولڈ دکھ رہی تھیں۔ماہرہ خان کی سب سے پہلی تصویر میں انکا بیک نظر آرہا ہے جس میں وہ غالباً اسکرٹ اور بلاؤز پہنی ہوئی ہیں جبکہ ایک اور تصویر میں اگرچہ ماہرہ خان کا مکمل لباس نظر نہیں آرہا لیکن ان کے لباس کی گہری نیک لائین اور سلیو لیس ہونا مداحوں کو ایک آنکھ نہ بھایا۔ایک اور تصویر میں ماہرہ خان لگژری کار کے ساتھ کھڑی پوز دیتی دکھائی دے رہی ہیں جس میں وہ سلک گاؤن پہنی ہوئی ہیں جو ایک جانب سے کھلا ہوا ہے اور ان کی ٹانگ واضح ہے۔اداکارہ کی تصویر پر سوشل میڈیا صارفین ماہرہ خان کے کمنٹ سیکشن میں ان پر شدید تنقید کی برسات کرتے نظر آرہے ہیں۔سوشل میڈیا صارفین ماہرہ خان کے کمنٹ سیکشن میں شدید تنقید کی برسات کرتے نظر آرہے ہیں۔ایک انسٹاگرام صارف نے لکھا کہ ’’میری نظر میں ماہرہ خان بے حد مہذب خاتون تھیں، لیکن یہ کس قسم کی ڈریسنگ ہے؟ مجھے افسوس ہوا یہ دیکھ کر کیونکہ وہ ایک مسلم خاتون اور ایک ماں ہیں، لیکن ان میں سے حیا ختم ہوچکی ہے، مجھے لگتا تھا ہانیہ عامر ہی ایسی ہیں لیکن یہاں تو ساری ہی اداکارائیں ایک جیسی ہی ہیں‘‘۔ایک اور صارف نے لکھا کہ ’’ اوہ بہن خدا کا خوف کرو، اچھے لباس بھی پہن سکتی ہو زیادہ پیاری لگو گی‘‘۔