کراچی۔۔۔11 مئی 2027۔۔
کراچی سے پی آئی اے کا قبل از حج آپریشن شروع ہوگیا۔پی آئی اے کی کراچی سے پہلی قبل از حج پرواز پی کے 743 جناح انٹرنیشنل سے مدینہ منورہ کے لیےہفتہ کی صبح ساڑھے تین بجے روانہ ہوئی۔پی آئی اے کے چیف آپریٹنگ آفیسر، امان اللہ قریشی نے کراچی سے پی آئی اے کی پہلی قبل از حج پرواز کے عازمین حج کو جناح انٹرنیشنل ایئرپورٹ سے رخصت کیا۔پرواز کی روانگی سے قبل ایئرپورٹ پر عازمین حج کو ہار پہنائے گئے ۔چیف آپریٹنگ آفیسر پی آئی اے نے عازمین حج کو حج پر روانگی کی مبارکباد دی ۔ انہوں نے کہا کہ پی آئی اے کا عمرہ آ پریشن کامیابی کے ساتھ مکمل ہوا اور حج آپریشن بھی کامیابی سے مکمل ہوگا ۔ پی آئی اے کا عملہ عازمین حج کو خدمات فراہم کے لئے موجود ہے۔انہوں نے آئی اے کو اپنی پسندیدہ ایئر لائن اورحج کے سفر کے لئے ترجیح دینے پر شکریہ ادا کیا اور عازمین حج سے پاکستان اور پی آئی اے کی خوشحالی کے لیے دعاوں کی درخواست کی۔پی آئی اے کے ڈسٹرکٹ مینیجر کراچی، عمر خان نے بھی عازمین حج کو مبارک باد دی اور پی آئی اے سے سفر کرنے پر ان کا شکریہ ادا کیا ، پی آئی اے ائیرپورٹ مینیجر جاوید پیچوہو اور دیگر افسران عازمین حج کو رخصت کرنے کے لئے موجود تھے ۔پی آئی اے پاکستان سے تقریباً 34,000 سے زائد عازمین حج کو سعودی عرب پہنچاے گی۔ 19,000عازمین حج سرکاری حج قبل از حج آپریشن 10 جون کو اختتام پزیر ہوگا۔اور 15,000 پرائیویٹ حج اسکیم کے تحت تقریبا” 170 پی آئی اے کی پروازوں کے ذریعے سعودی عرب پہنچیں گے۔پی آئی اے کراچی، لاہور، ملتان، اسلام آباد، پشاور، کوئٹہ، سیالکوٹ اور سکھر سے حج پروازیں چلا رہی ہے۔
