نئے جنگی بحری جہاز کا رومانیہ سے پاکستان کی جانب پہلے سفر کا آغاز

اسلام آباد(پاک نیوز24)پاک بحریہ کا نیا کمیشن ہونے والا جنگی بحری جہاز پی این ایس حنین کانسٹنٹا، رومانیہ سے پاکستان کے لیے روانہ ہوا۔ اس سے قبل رومانیہ کی بحریہ کے فلیٹ کمانڈر ریئر ایڈمرل کورنیل کوجوکارو (Cornel Cojocaru)نے پی این ایس حنین کا دورہ کیا اور کمانڈنگ آفیسر سے ملاقات کی۔ کانسٹنٹا سے روانگی کے بعد پی این ایس حنین نے رومانیہ کی بحریہ کے جہاز لاسٹنل (LASTUNUL) کے ساتھ سمندر میں دوطرفہ مشق میں بھی حصہ لیا۔ پی این ایس حنین دامن شپ یارڈ، رومانیہ میں پاکستان نیوی کے لیے بننے والے 4 آف شور پٹرول ویسلز (OPVs) میں سے تیسرا جہاز ہے۔ یہ جہاز جدید ترین ہتھیاروں اور آلات سے لیس ہے۔ پی این ایس حنین کی پاک بحریہ میں شمولیت سے بحری سرحدوں کی حفاظت اور بحیرہ عرب سمیت دیگر سمندروں میں میری ٹائم سیکیورٹی کو یقینی بنانے میں پاک بحریہ کی دفاعی صلاحیت کو مزید تقویت ملے گی۔