کراچی( 10 اگست 2026): ڈیجیٹل شمولیت اور رائیڈرز کی فلاح و بہبود کے مشترکہ عزم کے تحت فوڈ پانڈا نے آئی ٹیل پاکستان کے ساتھ مفاہمتی یادداشت (ایم او یو) پر دستخط کیے ہیں، جس کے تحت اہل ڈیلیوری رائیڈرز کو بلا معاوضہ اسمارٹ فون فراہم.کیے جائیں گے۔ اس اسٹریٹجک تعاون کا مقصد فوڈ پانڈا کے رائیڈر نیٹ ورک کو قابل رسائی ڈیجیٹل سہولیات فراہم کرنا ہے تاکہ روزمرہ کام کے دوران انہیں زیادہ سہولت اور کارکردگی حاصل ہو۔۔
آئی ٹیل پاکستان نے سڑکوں پر کام کرنے والے رائیڈرز کی ضروریات کو مدنظر رکھتے ہوئے اسمارٹ فون متعارف کرایا ہے، جس میں خصوصی کشن والے کارنرز، جھٹکے سے محفوظ رکھنے والا فریم اور طویل دورانیے کی کارکردگی کو یقینی بنانے والی خصوصیات شامل ہیں۔ فون اور معیار کے باعث پانی اور گردوغبار سے محفوظ ہے جبکہ یہ 2 میٹر کی بلندی سے گرنے پر ٹوٹنے کی مزاحمت بھی رکھتا ہے۔ دیگر جدید خصوصیات بھی اسے مشکل اور مسلسل کام کے ماحول میں رائیڈرز کے لیے موزوں بناتی ہیں۔
فوڈ پانڈا اور آئی ٹیل پاکستان کے درمیان یہ شراکت داری رائیڈر کمیونٹی کی معاونت اور ان کی فلاح کے لیے فوڈ پانڈا کی جاری کوششوں میں ایک اہم پیش رفت ہے۔ جدید ٹیکنالوجی فراہم کرنے والے اداروں کے ساتھ تعاون کے ذریعے فوڈ پانڈا ایسے عملی حل متعارف کرا رہا ہے جو ڈیجیٹل سہولیات تک رسائی کے خلا کو کم کرنے کے ساتھ ساتھ ڈیلیوری پارٹنرز کے روزمرہ کام کے تجربے کو بھی بہتر بنائیں گے۔
