کراچی ۔۔۔۔شہر قائد میں سڑکوں کی مرمت کا کام فوری شروع کرنے کا فیصلہ۔تفصیلات کے مطابق کمشنر کراچی سید حسن نقوی کی زیر صدارت منعقدہ شہری اور بلدیاتی اداروں کے افسران کے جائزہ اجلاس میں مختلف شہری مسائل کا جائزہ لیا گیا۔ فیصلہ کیا گیا ہے کہ شہر میں مصروف سڑکوں اور مختلف نالوں کے نزدیک قائم کچرہ کنڈیوں کو ہر ممکنہ طور پر دوسری جگہوں کو منتقل کیا جائے گا ، اسٹریٹ لائٹس سے محروم مصرو ف سڑکوں اور انڈر پاسز پر اسٹریٹ لائٹس نصب کی جائیں گی ۔شہر میں سڑکوں کی ٹوٹ پھوٹ کی وجہ سے پیدا ہونے والے مسائل اور ٹریفک کی دشواریوں اور شہریوں کی مشکلات کا جائیزہ لیا گیا۔ ڈپٹی کمشنرز نے ان سڑکوں کی نشاندہی کی اور فہرست پییش کی جو فوری طور پر مرمت طلب ہیں۔ بتایا گیا کہ چھ سو سےزائد مقامات پر سڑکوں کی مرمت کی ضرورت یے فیصلہ کیا گیا کہ مرمت کا کام جمعرات سے شروع کر دیا جائے گا۔ بلدیہ عظمی کے چیف انجنیئر طارق مغل نے اجلاس کو سڑکوں کی مرمت کے بارے میں بریفنگ دی فیصلہ کیا گیا کہ سڑکوں کی ٹوٹ پھوٹ کے لئے بلدیہ عظمی متعللقہ ڈپٹی کمشنرز کی مشاورت سے کام کریں گے فوری نوعیت کی مطلوب سڑکوں کی مرمت کا کام فوری طور پر شروع کیا جایگا ۔اجلاس میں مینجنگ ڈائریکٹر سالڈ ویسٹ میننمنٹ بورڈ امیتاز علی شاہ، چیف آپریٹنگ افسر واٹر اینڈ سیوریج بورڈ اسداللہ خان، تمام ڈپٹی کمشنرز، تمام ٹاون میونسپل کارپوریشن کے میونسپل کمشنرز بلدیہ عظمی کراچی کے چیف انجنئر طارق مغل اوردیگر اداروں کے سینئر افسران نے شرکت کی کمشنر نے کہا کہ شہرکو بہتر بنانے کے لئے کراچی انتظامیہ کا کردار اہم ہے انھیں چاہئے کہ وہ شہرکی صورتحال بہتر بنانے کے لئے شہری ترقیاتی اور بلدیاتی اداروں کے ساتھ رابطہ و تعاون مضبو بنائیں اور متعلقہ اداروں کو اپنے فرائض کی ادائیگی کے لئے متحرک کریں ۔ فیصلہ کیا گیا کہ ڈپٹی کمشنرز صفائی کے کاموں پر مامور افسران اور عملہ کی حاضری کی مانٹرنگ کریں گے ڈپٹی کمشنرز کی سفارش پر مسلسل غیر حاضری اور غفلت برتنے والوں کے خلا ف تادیبی کارروائی کی جاے گی۔