کراچی( 16 جون 2026): صف اول کے عالمی موبیلٹی اور اربن سروسز پلیٹ فارم ان ڈرائیو نے اپنے ڈرائیور پارٹنرز کے لیے ملک گیر تعریفی مہم “صحیح انتخاب کا صحیح انعام” کا باضابطہ آغاز کر دیا ہے۔ اس خصوصی مہم کا مقصد کراچی، لاہور اور اسلام آباد میں ان ڈرائیو سے وابستہ ڈرائیور کمیونٹی کی محنت، مستقل مزاجی اور لگن کا اعتراف کرتے ہوئے انہیں فیول واؤچرز اور دیگر قیمتی انعامات سے نوازنا ہے۔
مہم کے دوران ا ان ڈرائیو کی جانب سے 2500 سے زائد قیمتی انعامات تقسیم کیے جائیں گے۔ بڑے انعامات میں 3 سوزوکی آلٹو وی ایکس آر گاڑیاں، 15 عدد25 موٹر سائیکلیں، 10عدد رکشے، 60 عدداسمارٹ فونز اور 2500 فیول واؤچرز شامل ہیں۔ قرعہ اندازی میں شرکت کے لیے کراچی، لاہور اور اسلام آباد کے ڈرائیورز کو ہر ہفتے کم از کم 50 رائیڈز مکمل کرکے اپنی “ایکٹو” حیثیت برقرار رکھنا ہوگی۔
اس اقدام کے عملی آغاز کے سلسلے میں ان ڈرائیو نے جون کے اوائل میں اپنا پہلا سیشن کامیابی سے منعقد کیا، جس میں اہل ڈرائیورز (کپتانوں) کے پول میں سے پہلے 1000 فیول واؤچر جیتنے والوں کا باضابطہ اعلان کیا گیا۔ باقی 2000 فیول واؤچرز مہم کے دوران منعقد ہونے والے آئندہ چار سیشنز میں مساوی طور پر تقسیم کیے جائیں گے۔
اس موقع پر ان ڈرائیو پاکستان کے کنٹری لیڈ محمد اویس سعید نے کہا کہ پاکستان میں قائم کردہ رائیڈ ہیلنگ نظام کی اصل بنیاد ڈرائیورز ہیں۔ پہلے 1000 فیول واؤچرز کی تقسیم صرف آغاز ہے اور گرمیوں کے اس مصروف سیزن میں اپنے انتہائی متحرک اور محنتی ڈرائیورز کے آپریشنل اخراجات کم کرنے کے لیے یہ ایک مسلسل کاوش کا حصہ ہے۔
انعامات کا یہ نظام حالیہ ایندھن کی قیمتوں میں اضافے کے اثرات کو کم کرنے کے لیے ترتیب دیا گیا ہے تاکہ ڈرائیورز کو موجودہ معاشی چیلنجز سے نمٹنے میں مدد مل سکے اور ان کی مستقل کارکردگی کو عملی معاونت میں تبدیل کیا جا سکے۔
فیول واؤچرز اور اسمارٹ فونز کے فاتحین کا انتخاب ہر دو ہفتے بعد اہل ڈرائیورز کے پول سے قرعہ اندازی کے ذریعے کیا جاتا ہے، جبکہ سوزوکی آلٹو گاڑیاں، موٹر سائیکلیں اور رکشوں سمیت بڑے انعامات کے فاتحین کا اعلان جولائی میں مہم کی اختتامی تقریب میں کیا جائے گا۔
ان ڈرائیو مستقل کارکردگی کو انعامات سے منسلک کرکے اپنے “منصفانہ انتخاب” کے فلسفے کو مزید مضبوط بنا رہا ہے، تاکہ پاکستان کے بڑے شہری مراکز میں گیگ اکانومی سے وابستہ افراد کے لیے یہ پلیٹ فارم روزگار کا ایک پائیدار اور زیادہ فائدہ مند ذریعہ ثابت ہو۔
