نگراں وزیر محمد یونس ڈاگھا کی ہدایت…
کراچی …..
نگران صوبائی وزیر برائے ریونیو اور انڈسٹریز و کامرس محمد یونس ڈاگھا کی زیرِ صدارت ریونیو افسران کے ساتھ ایک اہم اجلاس آج سندھ سیکریٹریٹ کراچی میں منعقد ہوا۔ اجلاس میں سینئر ممبر بورڈ آف ریونیو ، کراچی کے تمام اضلاع کے ڈپٹی کمشنرز ، اسسٹنٹ کمشنرز اور دیگر متعلقہ افسران نے شرکت کی ۔
اجلاس میں نگران صوبائی وزیر نے ہدایات دیں کہ ریونیو دفاتر کے وقار کو خدمات میں بہتری اور شفافیت کی بنیاد پر استوار کریں۔ انہوں نے ہدایت کی کہ ریونیو ریکارڈ کی ڈیجیٹلائزیشن کے عمل میں اراضی کے اندراج کے ڈیٹا کی تصدیق و توثیق پر خاص توجہ دی جائے -نگران صوبائی وزیر نے ہدایت دی کہ ناجائز تجاوزات کے خاتمے کے لئے پولیس اور رینجرز کے تعاون سے کام کو مکمل کیا جائے اور اس ضمن میں کسی دشواری کی صورت میں حکومت کو آگاہ رکھا جائے۔ اجلاس میں کراچی کے تمام اضلاع کے ڈپٹی کمشنرز اور اسٹنٹ کمشنرز
نے اپنے اپنے اضلاع میں ریونیو ریکارڈ کی ڈیجیٹلائزیشن کے ابتک کے کئے گئے کام کی پریزینٹیشن دی۔
