یوم عاشور پرشہریوں کو ریلیف فراہم کرنے کیلئے انتظامات مکمل،کیمپ قائم

کراچی(پاک نیوز24) ایم ڈی سندھ سالڈ ویسٹ مینجمنٹ بورڈ سید امتیاز علی شاہ کی ہدایت پر یوم عاشور کے سلسلے میں انتظامات مکمل ہیں جلوس کے راستوں، امام بارگاہ، مجالس کے پوائنٹس پر صفائی ستھرائی، پانی کا چھڑکاؤ، اورچونے کا چھڑکاؤیقینی بنایا گیا ہے۔اس کے علاوہ تمام اضلاع میں صفائی اور دیگر انتظامات کے لئے تقریباً665 اضافی عملہ لگایا گیا ہے۔جبکہ جلوس کے راستوں پرزائرین کے لئے ریلیف کیمپ لگادیئے گئے ہیں جس میں پانی اور شربت کی سہولت بھی رکھی گئی ہے اور شکایات کا ازالہ یقینی بنانے کے لئے عملہ بھی موجود ہے۔ دیگر تفصیلات میں نشترپارک سے حسینیہ ایرانیاں امام بارگاہ تک جلوس کے راستے اور دیگر چھوٹے بڑے جلوس کے راستوں پر صفائی اور چونے کا چھڑکاؤ یقینی بنایا گیا ہے۔ متعلقہ افسران امام بارگاہوں کے منتظمین کے ساتھ بھی مکمل رابطے میں ہیں اس موقع پر منتظمین نے صفائی ستھرائی اور دیگر انتظامات پر اطمینان کا اظہار کیا۔ایم ڈی سالڈ ویسٹ نے ہدایت کی کہ جلوس کے شرکاء کو سہولیات فراہم کرنا ہماری ترجیح ہے انہوں نے کہا کہ تمام عملہ متحرک رہے گا اور مکمل ریلیف فراہم کیا جائے گا۔ جبکہ جلوس کے دوران بھی عملہ کچراچننے کا کام انجام دے گا انہوں نے کہا کہ ترجیحی بنیاد پر سارے انتظامات یقینی بنائے گئے ہیں۔علاوہ ازیں عوام کو ریلیف فراہم کرنے کے لئے شکایتی مراکز بھی فعال ہیں ہیلپ لائن نمبر 1128 اور کمپلین ایپ Complaints Karachi) (SSWMBپر موصول ہونے والی شکایات کا فوری ازالہ یقینی بنایا جا رہا ہے، تمام متعلقہ افسران و عملہ امور کی انجام دہی کے لئے دیگر اداروں کے ساتھ مکمل کورآڈینشن میں ہیں۔